អ្នក មិនចាំបាច់ជ្រួលច្រាលពេកទេ ប្រសិនបើចង់ប្រឡងជាប់ដូចបំណង។ រយៈពេលប៉ុន្មានសប្ដាហ៍មុនកាលកំណត់ អ្នកត្រូវរៀបចំតារាងកាលវិភាគអំពីមុខវិជ្ជាពាក់ព័ន្ធដើម្បី សិក្សាម្ដងមួយៗ។ នៅរាត្រីមុនថ្ងៃប្រឡង អ្នកគួរតែរំឭកមេរៀនត្រួសៗទាំងអស់ រួចចូលគេងពីព្រលប់។ សូមចងចាំថា ខួរក្បាល និងរាងកាយរបស់អ្នកត្រូវការសម្រាក។ ការទទួលទានអាហារពេលព្រឹកមុនពេលចូលប្រឡង គឺជារឿងសំខាន់បំផុតពីព្រោះខួរក្បាលរបស់អ្នកនឹងដំណើរការល្អ។ ពេលវេលាជិតចូលមកដល់ អ្នកត្រូវតែមានសម្ភារពាក់ព័ន្ធទាំងអស់នៅក្នុងដៃ។ ក្រោយពេលទទួលបានវិញ្ញាសា អ្នកត្រូវអានសំណួរឲ្យយល់ច្បាស់ ទើបអាចចាប់ផ្ដើមសរសេរ។ កុំភ្លេចធ្វើសំណួរណាដែលងាយស្រួលមុន ហើយកុំប្រញាប់ប្រញាល់ពេក៕
បង្កើតទម្លាប់ស្វ័យសិក្សាជោគជ័យ
អ្នក ត្រូវរៀបចំកាលវិភាគសម្រាប់ការសិក្សា និងបង្កើតបរិយាកាសល្អ ដោយមិនត្រូវមានសំឡេងរំខានក្ដុងក្ដាំងក្នុងផ្ទះ។ រៀនតាមមុខវិជ្ជានីមួយៗឲ្យគ្រប់ទាំងអស់។ យ៉ាងណាមិញ កុំភ្លេចពេលវេលាសម្រាក ញ៉ាំអាហារបំប៉នសុខភាព ញ៉ាំទឹកស្អាត និងធ្វើលំហាត់ប្រាណជាប្រចាំ។ ឆ្លៀតពេលមើលកម្មវិធីទូរទស្សន៍ដែលអ្នកចូលចិត្ដ ចំណាយពេលជួបជុំជាមួយមិត្ដភក្ដិ ដើរលេងក្នុងសួន និងលេងកីឡាជាដើម។ សិក្សាមុខវិជ្ជាខុសៗគ្នាជារៀងរាល់ថ្ងៃ។ សាកល្បងធ្វើតេស្ដសមត្ថភាពដោយសុំជំនួយពីសមាជិកក្នុងគ្រួសារឲ្យ សួរសំណួរអ្វីដែលអ្នកបានរៀន។ ចុងក្រោយ សូមការណែនាំពីគ្រូបង្រៀន ប្រសិនបើអ្នកជួបបញ្ហា៕
អ្នក ត្រូវរៀបចំកាលវិភាគសម្រាប់ការសិក្សា និងបង្កើតបរិយាកាសល្អ ដោយមិនត្រូវមានសំឡេងរំខានក្ដុងក្ដាំងក្នុងផ្ទះ។ រៀនតាមមុខវិជ្ជានីមួយៗឲ្យគ្រប់ទាំងអស់។ យ៉ាងណាមិញ កុំភ្លេចពេលវេលាសម្រាក ញ៉ាំអាហារបំប៉នសុខភាព ញ៉ាំទឹកស្អាត និងធ្វើលំហាត់ប្រាណជាប្រចាំ។ ឆ្លៀតពេលមើលកម្មវិធីទូរទស្សន៍ដែលអ្នកចូលចិត្ដ ចំណាយពេលជួបជុំជាមួយមិត្ដភក្ដិ ដើរលេងក្នុងសួន និងលេងកីឡាជាដើម។ សិក្សាមុខវិជ្ជាខុសៗគ្នាជារៀងរាល់ថ្ងៃ។ សាកល្បងធ្វើតេស្ដសមត្ថភាពដោយសុំជំនួយពីសមាជិកក្នុងគ្រួសារឲ្យ សួរសំណួរអ្វីដែលអ្នកបានរៀន។ ចុងក្រោយ សូមការណែនាំពីគ្រូបង្រៀន ប្រសិនបើអ្នកជួបបញ្ហា៕
បង្កើតជំនឿចិត្ដក្នុងថ្ងៃប្រឡងដើម្បី
ទទួលបានជោគជ័យលើអ្វីមួយ
អ្នកមិនត្រូវខំប្រឹងតែកម្លាំងកាយនោះទេ
ប៉ុន្ដែអ្នកត្រូវប្រើពឹងលើកម្លាំងចិត្ដផងដែរ។ ដូច្នេះ
ការលើកទឹកចិត្ដបានក្លាយជាផ្នែកមួយយ៉ាងសំខាន់ក្នុងការជំរុញរូប
អ្នកឲ្យប្រឡងជាប់។ សូមចាប់ផ្ដើមពីជំនឿចិត្ដលើខ្លួនឯង
ហើយកុំបារម្ភ និងភ័យខ្លាចឲ្យសោះ
អ្នកអាចទទួលបានកម្លាំងចិត្ដពីមនុស្សជាទីស្រឡាញ់ ដូចជា ឪពុកម្ដាយ
បងប្អូន ឬក៏មិត្ដភក្ដិរបស់អ្នក។ កុំភ្លេចថា
ពួកគេតែងតែចាំលើកទឹកចិត្ដឲ្យអ្នកជានិច្ច តាមរយៈពាក្យសម្ដី
ដែលវាជាអារម្មណ៍កក់ក្ដៅ
និងមានទំនុកចិត្ដលើខ្លួនឯងដើម្បីសម្រេចបានជោគជ័យក្នុងពេល
ប្រឡង៕
កាកតែ និងទឹកតែ អាចកាត់បន្ថយការជ្រុះសក់ ជាទូទៅ យើងតែងតែចូលចិត្ដទទួលទានទឹកតែ ប៉ុន្ដែតើអ្នកដឹងទេថា ទឹកតែ និងកាកតែអាចជួយពង្រឹងឫសសក់របស់អ្នកបាន? អ្នកគ្រាន់តែអនុវត្ដតាមវិធីសាស្រ្ដងាយៗ អ្នកនឹងមើលឃើញពីប្រសិទ្ធភាពរបស់វាមិនខាន។ ដំបូងឡើយ អ្នកត្រូវឆុងតែមួយកំសៀវចំណុះទឹកប្រមាណ១លីត្រ រួមជាមួយតែកន្លះស្លាបព្រាបាយ ទុករយៈពេលមួយយប់។ នៅពេលព្រឹកឡើង អ្នកគ្រាន់តែយកទឹកតែ និងកាករបស់វា មកកក់សក់ជាការស្រេច៕
ផ្លែម្នាស់ជួយសម្រកជាតិខ្លាញ់ក្បាលពោះ
ខ្លាញ់ក្បាលពោះ គឺជាឧបសគ្គចម្បងរបស់យុវវ័យ ជាពិសេស
មិត្ដនារីដែលស្រឡាញ់រាងកាយដ៏ស្រឡូនគួរឲ្យខ្នាញ់។ ដូច្នេះ
មិត្ដអាចសាកល្បង ចាប់ផ្ដើមទទួលទានផ្លែម្នាស់
១ឬក៏២ចំណិតមុនពេលចូលគេង
ដើម្បីសម្រកជាតិខ្លាញ់ក្បាលពោះរបស់អ្នក
ពីព្រោះជាតិអាស៊ីតក្នុងផ្លែម្នាស់ គឺជាសត្រូវជាតិខ្លាញ់។
យ៉ាងណាមិញ ការទទួលទានផ្លែឈើមួយចំនួនក្នុងកម្រិតច្រើនពេក
ដូចជា ផ្លែមៀន ទុរេន និងខ្នុរជាដើម
ក៏អាចបង្កជាជំងឺទឹកនោមផ្អែម និងធាត់លើសទម្ងន់ផងដែរ៕
No comments:
Post a Comment