រូបិយវត្ថុអឺរ៉ូបាន
ធ្លាក់ចុះមកត្រឹម ៩៤,៧១ យ៉េនក្នុងមួយអឺរ៉ូ
ដែលនេះជាកម្រិតអាក្រក់បំផុតគិតចាប់តាំងពីខែវិច្ឆិកា ឆ្នាំ
២០០០មក។
កាលពីថ្ងៃសុក្រកន្លងទៅ
ទីក្រុង Valencia
ដែលជាទីក្រុងធំទីបីរបស់អេស្ប៉ាញបានស្នើសុំជំនួយហិរញ្ញវត្ថុ
ថ្មីពីរដ្ឋាភិបាលមជ្ឈិមដើម្បីស្ដារស្ថានភាពដ៏អាក្រក់របស់ខ្លួន។
ការស្នើសុំជំនួញថ្មីនេះ
រុញច្រានឲ្យតម្លៃប្រាក់កម្ចីរបស់អេស្ប៉ាញកាន់តែខ្ពស់ឡើងដល់
កម្រិតមួយដែលគេហៅថា
មិនមានស្ថិរភាពសម្រាប់ដំណើរការរយៈពេលវែង។
ផលចំណូលសញ្ញាប័ណ្ណរយៈពេល ១០ ឆ្នាំរបស់អេស្ប៉ាញបានធ្លាក់ចុះមក
៧,២៨% ខណៈដែលសន្ទស្សន៍ភាគហ៊ុន Ibex
របស់ប្រទេសនេះធ្លាក់ចុះមកជិត ៦%
ក្នុងរយៈពេលពីរឆ្នាំប៉ុណ្ណោះ។
អ្នក
វិភាគបានប៉ាន់ប្រមាណថា
វិបត្តិបំណុលអេស្ប៉ាញនឹងរីករាលដាលដល់ប្រទេសសេដ្ឋកិច្ច
ធំៗដទៃទៀតក្នុងតំបន់ចាយប្រាក់អឺរ៉ូនេះ។
“ក្ដី
បារម្ភសម្រាប់បច្ចុប្បន្នគឺថា
អេស្ប៉ាញអាចនឹងត្រូវការជំនួយដ៏សម្បើមទៀតពីមូលនិធិហិរញ្ញវត្ថុ
អន្តរជាតិ ឬជំនួយសង្គ្រោះតំបន់អឺរ៉ូ”។
នេះជាការលើកឡើងរបស់លោក Justin Harper នៃក្រុមហ៊ុន IG Markets។
លោកបន្តថា
សកម្មភាពនេះនឹងធ្វើឲ្យអ្នកវិនិយោគជាច្រើនបង្វែរទិសដៅរបស់
ពួកគេចេញពីប្រាក់អឺរ៉ូទៅរករូបិយវត្ថុថ្មីណាមួយដែលមានលំនឹង
ជាង។
ក្រៅពីប្រាក់យ៉េនរបស់ជប៉ុន
ប្រាក់អឺរ៉ូក៏ធ្លាក់ទាបជាងប្រាក់ដុល្លារអាមេរិក
ដុល្លារអូស្ដ្រាលី និងដុល្លារនូវែលហ្សេឡង់ ផងដែរ
នាការដោះដូរពាណិជ្ជកម្មអាស៊ីក្នុងពេលថ្មីៗនេះ៕
No comments:
Post a Comment