**បុរសកើតថ្ងៃអាទិត្យ
ជាបុរសដែលតួឯកក្នុងក្តីស្រម៉ៃរបស់អ្នកមួយដែរព្រោះគេមានភាពជា
អ្នកដឹកនាំនិងមានមហិច្ឆតាខ្ពស់ម្ល៉ោះហើយ
បុរសកើតនៅថ្ងៃនេះតែងលេចធ្លោក្នុងក្រុមមនុស្សជានិច្ច។បុរសកើត
នៅថ្ងៃនេះគួរឱ្យស្រឡាញ់នៅត្រង់ចូលចិត្តយកចិត្តទុកដាក់និងចេះ
ការពារថែទាំងស្ត្រីជាទីស្រឡាញ់របស់គេ។ពិសេសជាបុរសពូកែខាង
យកចិត្តលេខមួយតែម្តង។
-តើគេចូលចិត្តស្នេហារបៀបដូចម្តេច?
បុរសកើតថ្ងៃនេះស្រឡាញ់សេរីភាពមិនចូលចិត្តយកខ្លួនទៅចង់ភ្ជាប់
ជាមួយនរណាងាយទេ។ប៉ុន្តែបើគេកើតក្តីស្រឡាញ់នរណាម្នាក់ហើយតែងមាន
ចិត្តមួយថ្លើមមួយមិនងាយងាករេឡើយ។ព្រោះតែមូលហេតុនេះសម្រាប់
ស្ត្រីដែលប៉ិនប្រច័ណ្ឌនិងង៉ក់ច្រើនទើបមិនស្ថិតនៅក្នុងក្រសែភ្នែក
របស់គេ។បើស្ត្រីចង់ក្តោបក្តាប់បេះដូងគេត្រូវតែមានភាពនឹងធឹងនិង
មិនប្រចែប្រច័ណ្ឌនោះទើបមានដំណើរជីវិតល្អជាមួយគេទៅរួច ។
**បុរសកើតថ្ងៃច័ន្ទ
បុរកើតថ្ងៃច័ន្ទនេះមានលក្ខណៈពិសេសត្រង់ទាំងផ្អែមល្ហែមគួរឱ្យ
ស្រឡាញ់ហើយនៅចូលចិត្តផ្ទះសប្បែងជាងបុរសកើតថ្ងៃឯទៀត។ក្រៅពីនេះ
របៀបការរស់នៅថែមទាំងមានរបៀបរៀបរយល្អ
សុភាពនិងស្រឡាញ់សន្តោសប្រណីថែមទៀត។គេចូលចិត្តតុបតែងផ្ទះសម្បែង
ស្រឡាញ់ដើមឈើនិងអានសៀវភៅ។
-តើគេចូលចិត្តស្នេហារបៀបដូចម្តេច?
បុរសកើតថ្ងៃច័ន្ទតែងស្អប់ខ្លាំងចំពោះស្ត្រីផិតក្បត់ស្ថិតនៅ
លំដាប់ទីមួយក្នុងចិត្តគេហើយ។ព្រោះតែមូលហេតុនេះគេទើប
ចូលចិត្តប្រចែប្រច័ណ្ធមិនចាញ់នរណាទេ
ដូចនេះស្ត្រីដែលគេស្រឡាញ់ពេញចិត្តចាំបាច់ត្រូវជាមនុស្សនឹងធឺង
និងអត់ធ្មត់បានល្អ មិនឆេវឆាវ
និងពិសេសត្រូវចុះសម្រុងរឿងកិច្ចការផ្ទះសម្បែងជាមួយគេផង។
**បុរសកើតថ្ងៃអង្គារ
ជាបុរសមានភាពកាចបន្តិច
គេចូលចិត្តការសប្បាយក្អាកក្អាយនិងផឹកផង។ការចូលរាំកម្សាន្តឬ
ពិធីបុណ្យជប់លៀងជារបស់គេចូលចិត្តបំផុតហើយ។ក្រៅពីនេះគេនៅមាន
និស្ស័យចូលចិត្តផ្សងព្រេងនិងក្តីរំភើបភ្ញាក់ផ្អើល។ការរស់នៅគេ
ចូលចិត្តហាត់ប្រាណដើម្បីឱ្យមើលទៅស្រស់សង្ហាឬ
មានមន្តស្នេហ៍ទាក់ទាញនោះឯង។
-តើគេចូលចិត្តស្នេហារបៀបដូចម្តេច?
គេជាមនុស្សរឹងប៉ឹងចូលចិត្តគ្រប់គ្រងស្ត្រីដែលគេស្រឡាញ់និង
ក្នុងខណៈពេលជាមួយគ្នាគេក៏ត្រូវការឱ្យស្ត្រីជាទីស្រឡាញ់របស់ខ្លួន
យកចិត្តយកថ្លើមដល់រូបគេដែរ។បើស្ត្រីស្រឡាញ់បុរសកើតថ្ងៃនេះត្រូវ
ចេះសម្របខ្លួនឱ្យគេគ្រប់គ្រងនិងហាត់ធ្វើជាស្ត្រីចិត្តទូលាយ
មិនរអ៊ូរទាំ ហើយត្រូវចាំយកចិត្តដល់គេគ្រប់ពេលបើធ្វើបានបែបនេះ
នឹងមិនកើតជម្លោះវិវាទហើយនៅពេលបានជាគូគ្រងអាចនៅជាប់គង់យូរអង្វែងមិនមានពាក្យថាលែងលះឡើយ។
**បុរសកើតថ្ងៃពុធ
ជាប្រភេទបុរសអារម្មណ៍ល្អ ស្រឡាញ់ដើមឈើ
ចាប់អារម្មណ៍ទៅលើគ្រឿងបច្ចេកវិទ្យា ស្រឡាញ់ការចរចា ទំនាក់ទំនងពត៌មាន
ផ្លាស់ប្តូរគំនិតនិងពិសេសថែមទាំងជាបុរសមានភាពស្ថិតស្ថេរផ្នែក
ចិត្តគំនិតពីព្រោះគេត្រូវការភាពច្បាស់លាស់នូវរឿងរាវនានា។ចំណែក
សេចក្តីស្នេហាវិញ គេត្រូវការច្បាស់លាស់និងស្នេហ៍មួយចិត្តមួយ។
-តើគេចូលចិត្តស្នេហារបៀបដូចម្តេច?
គេចូលចិត្តស្ត្រីដែលឆ្លាត
ប៉ុន្តែស្អាតមិនស្អាតមិនសំខាន់ទេឱ្យតែគេស្ម័គ្រធ្វើជាគូគាប់
ហើយតែងផ្តល់កម្លាំងទឹកចិត្តគ្រប់ពេលវេលា។បុរសកើតថ្ងៃពុធតែងតែ
ចាប់ផ្តើមសេចក្តីស្នេហាដោយពីដំបូងធ្វើជាមិត្តភក្តិជាមុន
។គេជាបុរសដែលចាញ់អំពើល្អនិងភាពស្មោះត្រង់ដូចនេះបើស្ត្រីណា
អត់ទ្រាំរង់ចាំបាននោះនឹងបានគេជាគូជាក់ជាពុំខាន។
**បុរសកើតថ្ងៃព្រហស្បតិ៍
បើស្ត្រីណាចង់សម្លឹងរកបុរសមានភាពរ៉ូម៉ាទិកមិនគួរមើលរំលងបុរស
ដែលកើតថ្ងៃព្រហស្បតិ៍ដាច់ខាត។ក្រៅពីនេះគេនៅជាបុរសដែលមានមន្ត
ស្នេហ៍ក្នុងសេចក្តីស្នេហាទៀតផង។បុរសកើតថ្ងៃនេះតែងមានអារម្មណ៍
លេងសើចសប្បាយច្រើនជាមួយដៃគូស្នេហាក្នុងនោះព្រមទាំងបញ្ចេញសម្លេង
សើចអស់ពីពោះផង។គេស្រឡាញ់ការធ្វើដំណើរហើយស្រឡាញ់សិរីភាពនៃ
ពិភពលោកទូលាយ។
-តើគេចូលចិត្តស្នេហារបៀបដូចម្តេច?
ព្រោះតែស្រឡាញ់សេរីភាពនេះហើយទើបគេមិនយល់ព្រមបញ្ចប់ស្នេហាមួយណា
ឱ្យជាក់លាក់ឡើយ។ដូចនេះឃើញថាគេអាចរកមួយហើយមួយទៀតទាល់តែជួប
មនុស្សត្រូវចិត្ត។ប៉ុន្តែទោះបីយ៉ាងណាគេជាមនុស្សមិនងាយស្រឡាញ់តែ
នៅពេលក្លាយជាដៃគូស្នេហាហើយតែងចិត្តស្មោះ។ស្ត្រីដែលស្រឡាញ់បុរស
នៅថ្ងៃនេះត្រូវមានចិត្តទូលាយ ។បើចង់ទំនាក់ទំនងជាមួយគេត្រូវតែធ្វើ
ខ្លួនជាផ្នែកមួយរបស់គេបានហើយឬអាចធ្វើជាមិត្តភក្តិដែលដឹងចិត្ត
និងដាច់ខាតមិនត្រូវឱ្យគេដឹងថាអ្នកកំពុងតាមស្នេហ៍គេនោះដែរ។
**បុរសកើតថ្ងៃសុក្រ
បុរសកើតថ្ងៃសុក្រតែងចូលចិត្តតុបតែងសម្អិតសម្អាង
ខ្លួនពីព្រោះគេជាមនុស្សទាន់សម័យហើយចូលចិត្តទៅកាន់ហាងសម្លៀកបំពាក់
ណាដែលល្អៗជានិច្ច។ចំពោះហាងកាត់សក់ឬកន្លែងណាត់ជួបនរណាម្នាក់តែង
ជ្រើសរើសកន្លែងស្អាតល្អ។ក្រៅពីនេះគេជាមនុស្សនៅស្រឡាញ់ការងារសិ
ល្បះនិងតន្ត្រីផង។
-តើគេចូលចិត្តស្នេហារបៀបដូចម្តេច?
ត្រូវធ្វើចិត្តបន្តិចបើលង់
ស្រឡាញ់បុរសកើតថ្ងៃនេះពីព្រោះស្នេហារបស់គេមានស្ត្រីចោមរោម
ធ្វើឱ្យមានគូប្រជែងច្រើន។យកល្អស្ត្រីដែលស្រឡាញ់បុរសថ្ងៃនេះត្រូវ
បើកចិត្តឱ្យគេដឹងជាមុននិងមិនត្រូវលាក់ច្រើន
ឡើយ។ក្រៅពីនេះត្រូវប្រាកដក្នុងចិត្តនិងមានជំនឿលើខ្លួនឯងផង។
**បុរសកើតថ្ងៃសៅរ៍
ចូលចិត្តលាក់ខ្លួន ខ្មាស់អៀនច្រើន មិនហ៊ានជជែកជាមួយស្ត្រី
គេចូលចិត្តរស់នៅកន្លែងមានរបៀបនិងស្អាតល្អ។ការរស់នៅចូលចិត្តលេង
ហ្គេមនិងចូលចិត្តការរៀនសូត្រស្វែងយល់។ក្រៅពីនេះគេជាបុរសដែល
ស្រឡាញ់ភាពស្ងប់ស្ងាត់។
-តើគេចូលចិត្តស្នេហារបៀបដូចម្តេច?
ស្ត្រីដែលស្រឡាញ់បុរសក្នុងថ្ងៃនេះបើចង់ឱ្យគេជាអ្នកចូលមកមុននោះ
ពិតជារង់ចាំខកពុំខានដូចនេះមធ្យោបាយដ៏ល្អត្រូវវាយលុកគេមុន។
ប៉ុន្តែយ៉ាងណាត្រូវធ្វើសមរម្យនិងមានភាពនឹងធឹងដោយអាចសុំគេជាទី
ប្រឹក្សាឬជាមិត្តភក្តិក៏ប្រសើរដែរ
ធ្វើដូច្នេះទើបគេមិនចោទថាអ្នកជាស្ត្រីដែលចិត្តងាយហើយបែរជាផ្តល់គុណវិបត្តិមកវិញ៕
No comments:
Post a Comment